Transcription
1
Monsieur, ce pourteur s’en va à Grenoble pour les affaires de monsieur
2
de Paris, et principallement pour arrézoner les lodz de la terre
3
de Saint-Maurice au proffit de mes nepveux de Venterol ; et pour ce,
4
Monsieur, que le feu père vous estoit serviteur affectioné, je ne
5
craingdrey vous suplier bien humblement qu’il vous plèze leur
6
despartir de votre faveur à l’andret de messires de la chambre
7
des contes et trézoriers, à ce que mesdits nepveus puissent gagner
8
ce qu’est porté par l’ordonance de sa magesté, et vous augmanterés
9
l’affection que j’ay de vous faire très humble servise, et mesdits
10
nepveus vous demeureront perpétuelz serviteurs. Je acompagneray
11
ce mot de lettre de vous assurer que ceulx de Nions font
12
toutz bon devoir à bien et sogneuzemant garder leur ville et chasteau,
13
qui n’est sans grand despance, comme plus amplemant ilz vous
14
feront entandre, et mesmes come il est bien nécessère de la bien
15
garder, ayant heu advertissemant qu’il y havet entreprinze
16
sus eulx, par façon qu’ilz ont esté contreintz augmanter leurs
17
gardes. Vous scavés, Monsieur, que si ce lieu estoit saizi, que nous
18
serions en la guerre par tout ce pays. Parquoy, Monsieur, je
19
vous suplie bien humblement havoir pitié d’eulx et leur faire
20
havoir quelque récompance de la grand despance qu’ilz portent
21
journellemant. Vous serés adverti aussi comme mondit seigneur de Paris
22
heust advertissemant que l’on se vouloit saizir du lieu
23
de Condorcès, ce que pance eussent fet sans l’ordre que
24
ledit sieur y a mys, et vous asseure que journellemant passe
25
par ce pays là-hault ung nommé le cappitène Félis de Chasteauneuf
26
et deux de Nions, ung nommé La Rozane et ung Ercules
27
Bernard, beau-frère de La Roche de Grane, allans et venans
28
de Privas à Montbrun. Nous extimons qu’ilz traffiquent quelque
29
[v] choze que ne vault guières pour ce pays et le service de sa magesté.
30
Mondit sieur de Paris et moy y mandames de soldatz pour les
31
hatraper, mais l’on les failhit pour ce coup, nous havons doné
32
ordre que s’ilz y repassent en serons advertis. Si vous le
33
treuvés bon, qu’il vous plèze nous le mander, nous sommes
34
en espérance vous en randre bon conte. Ceulx de Mirabeau
35
ont prins ung espion ces jours passés venant delà le
36
Rone de la part du sieur de Pierre Gourde s’en allant treuver
37
le sieur de Montbrun. Il pourtoit une balle de cire verte
38
dans laquelle y havoit une lettre. Ilz ont mené ledit pourteur
39
et lettre à monsieur le vibailli de Buis, lequel m’asseure vous
40
envoyera le tout ; qui me gardera vous fère la prézante
41
plus longue que de mes humbles recomandations à toutes voz
42
bones grâces, et suplie le Créateur vous doner,
43
Monsieur, en toute prosperité, santé, longue et hereuze vie. A Venterol,
44
ce 27me novembre 1572.
45
Votre humble et hobéissant serviteur
46
P. Durre Evêque de Viviers
47